АҞӘА, мшаԥы 26 - Sputnik. Москва иаатраны иҟоуп Донецки Лугански ареспубликақәа рофициалтә дипломатиатә хаҭарнакрақәа ҳәа аанацҳауеит РИА Новости адипломатиатә хыҵхырҭа шьаҭас иҟаҵаны.
"Аамҭа мгакәа Ацҳаражәҳәарҭа аартхоит. Уи аганахь ала аусурақәа мҩаԥысуеит", - иҳәоит ахыҵхырҭа ахаҭарнак.
Иара иажәақәа рыла, Донбасс ареспубликақәа рыцҳаражәҳәарҭақәа мызкы ҩымз рыҩнуҵҟа иаартхоит.
Москва Донецки Лугански ареспубликақәа рхьыԥшымра азхарҵеит жәабран 21 азы. Адырҩаҽны ишьақәыргылан адипломатиатә еизыҟазаашьақәа. Владимир Путин иажәақәа рыла ари аӡбра агуманитартә ҵаҵӷәы аман, ареспубликақәа зықьҩыла руааԥсыра рыхьчара иазырхан, украинатәи арежим "Донбасс апроблема "мчыла ирыӡбарц иахьаҿу иаԥырҟәҟәааган.
Донбасс ареспубликақәа рхьыԥшымра азханаҵеит Аԥсынгьы. Аслан Бжьаниа абри азы аусдҵа инапы аҵеиҩит хәажәкыра 10 азы. Аԥсни ареспубликақәеи рыбжьара адипломатиатә еизыҟазаашьақәа шьақәыргылоуп.