АҞӘА, мшаԥы 26 - Sputnik. Шәачатәи аказақцәа Донбассҟа ицоит Урыстәыла имҩаԥнаго аоперациа ҷыда рхы аладырхәырц ҳәа аанацҳауеит ақалақь ахадара асаит.
Украинаҟа хатәгәаԥхарала ицарц зҭаху, 33-ҩык рыла еиҿыркаауеит аҟәша ҷыда.
Аказақцәа арҵаратә центрқәа рҿы азыҟаҵара ҷыда иахрыжьуеит урыстәылатәи арратә хәҭақәа рҿы. Анаҩс Донбассҟа ицоит, уа еиуеиԥшым архәҭақәеи арҟәшақәеи рҿы арратә маҵзура иахыслоит.
Краснодартәи атәылаҿацә ахада иажәақәа рыла Донбасс аоперациа ҷыда иалахәуп зқьи хәышәҩык рҟынӡа аказақцәа. Аказақцәа рыр аамҭа-аамҭала аҽазыҟаҵарақәа мҩаԥыргоит, убри азы иазыҟаҵоуп, иҟоуп Афганисҭан, Приднестровие, Аԥсны, Иугославиа, Шьамтәыла, Аахыҵ Уаԥстәыла рыҟны аибашьра иахысхьоу.
Украина арратә операциа иалагеит жәабран 24 азы. Урыстәылатәи ар Украина абџьархыхреи Донбасс ауааԥсыра киевтәи арежим рацәыхьчареи рзы рнапынҵақәа нарыгӡоит ҳәа иҳәеит Владимир Путин.
Урыстәылатәи ари Донбасстәи ареспубликақәа рыри реиԥш аоперациа ҷыда иалахәуп хатәгәаԥхарала уахь инеизгьы, аԥсуаа налаҵаны.