АҞӘА, мшаԥы 27 - Sputnik, Асмаҭ Ҵәыџьԥҳа. Аԥсны Жәлар Реизара абжьбатәи ааԥхьара адепутатцәа реилатәараҿы Апарламенттә еилакқәа реилазаара шьақәдырӷәӷәеит.
Зынӡа иаԥҵоуп аилакқәа жәба:
1. "Аҳәынҭқарра-зинтә политиказы Аилак"
Алмас Акаба
Рашида Аииԥҳа
Асҭамыр Аршба
Ҭемыр Беиа
Алиса Гәылариаԥҳа
Инар Гыцба
Кан Кәарҷиа
Дмитри Маршьан
Ерик Рштуни
Инар Саӡба
Даут Хәытаба
Адгур Ҳаразиа
Беслан Ҳалуашь
Алхас Ҳагба
Беслан Емырхәба
2. "Абиуџьет, акредиттә еиҿкаарқәа, ашәахтәқәеи афинансқәеи рзы Аилак"
Асҭамыр Аршба
Алхас Барцыц
Резо Зантариа
Аслан Лакоба
Дмитри Маршьан
Бадрик Ԥлиа
Алхас Ҳагба
Беслан Ҳалуашь
3. "Аекономикатә политикеи, ареформақәеи, аинформациатә технологиақәеи рзы Аилак"
Вахтанги Голанӡиа
Баҭал Џьопуа
Резо Занҭариа
Герман Каҷараа
Ашот Миносиан
Ахра Ԥачулиа
Бадрик Ԥлиа
Ерик Рштуни
4. "Атәылахьчареи амилаҭтә шәарҭадареи рзы Аилак"
Фазлыбеи Аҩӡба
Асҭамур Гьерхьелиа
Адгур Ҳаразиа
Ҭемур Шергелиа
Беслан емурхба
5. "Асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәеи рзы Аилак"
Фазлыбеи Аҩӡба
Рашида Аииԥҳа
Нарсоу Салаҟаиа
Галуст Трапизониан
Баҭал Џьопуа
6. "Аҵареи, аҭҵаарадырреи, абызшәатә политикеи, адини, АИХқәеи рзы Аилак"
Венори Бебиа
Левон Галустиан
Инар Гыцба
Инар Саӡба
Даут Хәытаба
7. "Акультуреи, аҿари, аспорти русқәа рзы Аилак"
Венори Бебиа
Демур Гәогьиа
Герман Каҷараа
Нарсоу Салаҟаиа
8. "Жәларбжьаратәи апарламенттә еимадарақәеи аицџьынџьуаа реимадарақәеи рзы Аилак"
Алхас Барцыц
Левон Галустиан
Алиса Гәылариаԥҳа
Ахра Ԥачулиа
Галуст Трапизониан
Ҭемыр Шергелиа
9. "Аграртә политикеи, аԥсабаратә лшарақәеи, аекологиеи рзы аилак"
Алмас Акаба
Темыр Беиа
Демур Гәогьиа
Вахтанги Голанӡиа
Асҭамыр Гьерхьелиа
Кан Кәарҷиа
Аслан Лакоба
Ашот Миносиан
Аилакқәа рхыԥхьаӡара шыҟаз иаанхеит. Иаанхеит рыхьыӡқәагьы акы ада– "Аекономикатә политикеи, ареформақәеи, аинформациатә технологиақәеи рзы Аилак" уаанӡа "Аекономикатә политикеи, ареформақәеи рзы Аилак" ахьӡын.
Мшаԥы 18 азы имҩаԥысит Аԥсны Жәлар Реизара - Апарламент абыжьбатәи ааԥхьара раԥхьатәи аусутә еилацәажәара. Аԥсны Жәлар Реизара аиҳабы Лаша Ашәба апарламенттә еилакқәа реиҿкааразы анапынҵа ҟаиҵеит
Азакәанԥҵара инақәыршәаны адепутатцәа зегьы аиҳабы ида аилакқәеи акомиссиақәеи ирылахәызароуп.
Жәлар Реизарахь алхрақәа мҩаԥысит хәажәкыра 12 азы, 17 округ рҿы адепутатцәа алхын, аҽа 17 округ рҿы хәажәкыра 26 азы аҩбатәи атур мҩаԥысит.
Аокруг №8 (Алашарбагатә) аҿы лаҵара 28 азы аиҭалхрақәа мҩаԥгахоит акандидатцәа рҩыџьагь еиҟараны абжьқәа ахьроуз азы, аокруг №18 (Гәдоуҭатәи актәи) аҿы лаҵара 14 азы алхарқәа мҩаԥгахоит.