АҞӘА, мшаԥы 27 - Sputnik, Асмаҭ Ҵәыџьба. Аԥсны Жәлар Реизара абжьбатәи ааԥхьара адепутатцәа рилатәараҿы Апарламенттә еилакқәа рхантәаҩцәа реилазаара шьақәдырӷәӷәеит.
Абжьыҭара иалахәын 32-ҩык адепутатцәа.
Адепутатцәа зегьы еицҿакны иалырхит:
Аҳәынҭқарра-зинтә политиказы Аилак ахантәаҩыс - Дауҭ Хәтаба.
Абиуџьет, акредиттә еиҿкаарқәа, ашәахтәқәеи афинансқәеи рзы Аилак ахантәаҩы - Беслан Ҳалуашь.
Аекономикатә политикеи, ареформақәеи, аинформациатә технологиақәеи рзы Аилак ахантәаҩы - Резо Занҭариа.
Атәылахьчареи амилаҭтә шәарҭадареи рзы Аилак ахантәаҩы - Ҭемыр Шергелиа.
Асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәеи рзы Аилак ахантәаҩы - Рашида Аииԥҳа.
Аҵареи, аҭҵаарадырреи, абызшәатә политикеи, адини, АИХқәеи рзы Аилак ахантәаҩы - Инар Саӡба.
Акультуреи, аҿари, аспорти русқәа рзы Аилак ахантәаҩы - Венори Бебиа.
Жәларбжьаратәи апарламенттә еимадарақәеи аицџьынџьуаа реимадарақәеи рзы Аилак ахантәаҩы - Алхас Барцыц ( 31-ҩык адепутатцәа рыбжьы ирҭеит, аӡәы диҿагылеит).
Аграртә политикеи, аԥсабаратә лшарақәеи, аекологиеи рзы аилак ахантәаҩы - Ҭемыр Беиа ( 31-ҩык адепутатцәа рыбжьы ирҭеит, аӡәы диҿагылеит).