АҞӘА, мшаԥы 27 - Sputnik. Аԥсны иҟоу Аладатәи арратә база артиллеристцәа Аԥсны имаҷу ацәҟьарақәа ирықәкны ахысрақәа мҩаԥыргеит ҳәа аанацҳауеит ААО апресс-маҵзура.
Ахысрақәа мҩаԥысуан Ҵабал ахысырҭа дәаҿы, аррамаҵзурауаа 1,5*1,5 метра иҟаз, аӷа ашьхараҿы иҽыҵәахырҭақәеи ипозициақәеи реиԥш зеиԥшыз ацәҟьарақәа ириехсуан.
Ацәҟьарақәа рҟынӡа 2 000 метра бжьан.
Абџьар механикатә ҟазшьала ацәҟьарақәа ирықәыркуан, аруаа атехника абаллистикатә ҟазшьеи аҳауатә ҭагылазаашьеи азгәаҭаны рхысра рхала арҽеилагалара азыруан.
Иара убасгьы арра-медицинатә, атехникатә, атактика-ҷыдатә, ахымцатә ҽазыҟаҵареи арадиациатә, ахимиатә, абиологиатә хьчареи рзы аҽазыҟаҵарақәа мҩаԥыргеит.