АҞӘА, мшаԥы 28 - Sputnik, Бадраҟ Аҩӡба. Аԥсны Аминистрцәа реилазаара Аԥсны Адәныҟатәи аусқәа рминистрреи Шьамтәыла Адәныҟатәи аусқәеи аҳәаанырцә инхо аицџьынџьуаа русқәеи рзы аминистрреи рыбжьара аполитикатә консультациақәа русхк аҟны аилибакаараз Амеморандум апрект шьақәнарӷәӷәеит.
"Аԥсны Адәныҟатәи аусқәа рминистрреи Шьамтәыла Адәныҟатәи аусқәеи аҳәаанырцә инхо аицџьынџьуаа русқәеи рзы аминистрреи рыбжьара аполитикатә консультациақәа русхк аҟны аилибакаараз Амеморандум апроект шьақәырӷәӷәоуп ҳәа ишьазааит", - аҳәоит аиҳабыра рықәҵара.
Амеморандум апроект рыдигалеит Аԥсны АА аминистр ихаҭыԥуаҩ Иракли Ҭыжәба. Адокумент атәылақәа рыдәныҟаполитикатә усҳәарҭақәа реизыҟазаашьа арӷәӷәара иазырхоуп иҳәеит иара.