АҞӘА, мшаԥы 30 - Sputnik. Аԥсны ахада Аслан Бжьаниа Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭа анапхгаҩы Андреи Кудимов идиныҳәалеит аусбарҭа аԥҵара амш, абри атәы аанацҳауеит атәыла ахада ипресс-маҵзура.
"Аҭыԥ змоу агеополитикатә ҭагылазаашьа уадаҩ аан арратә ҳәаахьчаҩцәа ҭакԥхықәра дула руалԥшьа нарыгӡоит ҳреспублика аҳәаақәа рҿы. Урыстәыла Аԥсны астратегиатә партниор ауп, ҳшәарҭадара ахьчараҿы шәылшарақәа рацәоуп", - ҳәа ануп адныҳәалараҿы.
Аԥсны Ахада иара убас иазгәеиҭеит Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭа атәылаҿы аҭынчреи аҭышәынтәалареи шышьақәдырӷәӷәо.
Аслан Бжьаниа иҟаиҵаз адныҳәалара хыркәшо, аусбарҭа аиҳаби имаҵурауааи ирзеиӷьеишьеит агәабзиареи, аҭынчреи, аизҳазыӷьареи, рус аҟны ақәҿиарақәеи.