АҞӘА, лаҵара 4 - Sputnik. Аԥсны адәныҟатәи аусқәа рминистрра аԥсуа школқәа роушьҭымҭацәа москватәи ауниверситетқәа рҭалараҿы ирыцхрааит. Абри атәы аанацҳауеит ААР амедиацентр.
Тҟәарчалынтәи Екатерина Копсидии Аҟәантәи Леон Абӷаџьааи Урыстәыла аиҳабыра рҿы иаԥҵоу Афинанстә университет иастудентцәахеит.
Абитуриентцәа аиндаҭлара иахысит аҿар рыдгылара Ацентр "Аԥсны аԥеиԥш" аҿы. Аҿар рыдгылараз ацентр "Аԥсны аԥеиԥши" Россотрудничествеи аԥснытәи аҿар адгылара рырҭоит урыстәылатәи аҵараиурҭақәа рҭалареи аԥышәахысреи раан.