АҞӘА, лаҵара 6 - Sputnik. Кремльтәи аҭӡы амҵан иҟоу иҿымцәаауа амца аҟынтәи иарку "Агәалашәара амца" Аԥсныҟа иааргоит, абри атәы Sputnik иазеиҭеиҳәеит Аҟәа иҟоу Москва аҩны ахаҭарнак Евгени Павлов.
Иҿымцәаауа амца ахәҭак акәаҷабла Москвантәи иааргоит.
"Уаҵәы асааҭ 11:00 рзы Ахьӡ-аԥша амузеи аҟны инагахоит", - иҳәеит Павлов.
Вечный огонь
© Foto / Евгений Павлов
Лаҵара 6 инаркны 9 рҟынӡа Аџьынџьтәылатә еибашьра Дуӡӡаҿы игаз аиааира аҳаҭыраз имҩаԥгахоит акциа "Агәалашәара амца".
Акәаҷабқәа ақалақьқәеи араионқәеи рхадарақәа ирыҭахоит. Аиааира Ду амш аҽны арҭ акәаҷабқәа рҟынтәи Аџьынџьтәылатә еибашьра Ду аибашьцәа рбаҟақәа рымҵан иаркхоит иҿымцәаауа амцақәа.
Акциа Аԥсны амҩаԥгара еиҿыркаауеит Аҟәа иҟоу Москва аҩни Аԥсны иҟоу Урыстәыла ацҳаражәҳәарҭеи.