АҞӘА, лаҵара 6 - Sputnik. Аԥсны ахада Иусбарҭа анапхгаҩы Алхас Кәыҵниа Аибашьра Ду аветеран Филипп Артиух Аиааира Амш идиныҳәалеит ҳәа аанацҳауеит ахада ипресс-маҵзура.
Шықәсык ашьҭахь аветеран 100 шықәса ихыҵуеит. Алхас Кәыҵниа агәабзиареи агәамчи изеиӷьеишьеит. Атәыла анапхгара рыхьӡала аветеран 50 000 мааҭи аҳамҭеи ииҭеит.
Филипп Артиух 17 шықәса ихыҵуан аибашьра ианалагаз. 1942 шықәсазы арра дыргеит. Владикавказ амҵан ахәра иоуит.