АҞӘА, лаҵара 6 - Sputnik. Аԥсны амҵәышәымпыл азы акоманда "Аԥсны амҵәыжәҩақәа" Тҟәаԥс имҩаԥысуаз аицлабраҿы араӡны медал ргеит ҳәа Sputnik иазеиҭарҳәеит аспортсменцәа рхаҭарнакцәа.
Еиндаҭлон 2007 шықәсазы ииз аӡӷабцәа ркомандақәа.
Зынӡа атурнир иалахәын Тҟәаԥси Краснодари рҟынтәи ф-командак, Аԥснынтәи: "Аԥсны амҵәыжәҩақәеи" "Спартаки".
"Аԥсны амҵәыжәҩақәа" аҩбатәи аҭыԥ аннакылеит, "Спартак" – ахәбатәи.
Уи адагьы "Аԥсны амҵәыжәҩақәа" аспортсменцәа Мариа Кәакәасқьырԥҳаи Диана Ажьиԥҳаи аԥхьахә ҷыдақәа ранашьан.
"Аԥсны амҵәыжәҩақәа азыҟаиҵоит" Дмитри Чартиа, "Спартак" –Николаи Гушьин.