АҞӘА, лаҵара 6–Sputnik. Урыстәыла аракетатә ар Краматорск аџьаԥҳаныҵәахырҭа ду еилаԥырххааит ҳәа иҳәеит Атәылахьчара аминистрра ахаҭарнак чыда, аинрал-маиор Игор Конашенков шьыжьтәи абрифинг аҿы.
"Урыстәылатәи арратә мчрақәа аракетақәа рыла украинатәи ар рџьаԥҳанышьҭаҵарҭа еилаԥырххааит Краматорск ақалақь азауад "Энергомашспецсталь" аҵакыраҿы", - иҳәеит иара.
Запорожиатәи аобласт аҿы урыстәылатәи аракетақәа иҭадырхеит украинатәи "Точку-У", ари атехникеи ргыларҭақәа 10.
Авиациа уахык аҩнуҵҟа ааха рнаҭеит Украина арратә хыбрақәа 24. Урҭ рҟынтәи ари атехникеи ргыларҭақәа 18, артиллериатә батареиа, иара убас Донецктәи Жәлар р-Республикаҿ аракета-артиллериатә бџьарҵәахырҭақәа ҩба.
Аракетатә ар Никифоровка иахьаҵанакуа ааха рырҭеит азенит-ракетатә комплекс С-300 аҭырҟьага шьақәгылеи ари атехника ргыларҭақәа хәбеи.
Артиллериа анапхгараҭаратә ҭыԥқәа фба, аџьаԥҳаныҵәахырҭақәа хԥа, 187 хырӷәӷәарҭеи ар ргыларҭеи, 26 украинатәи артиллериатә батареақәеи ааха рырҭеит.
Иҭархоуп амилаҭеилыхыҩцәа 280-ҩыки 41 ак арратә техникеи.
Лугансктәи ареспубликаҿы аҳауахьчагақәа Су-25, МиГ-29 карыжьит, икажьын "Точка-У" абаллистикатә ракетақәа ԥшьба. Харковтәи Херсонтәи аобластқәа, ДЖәРи ЛЖәРи рҵакырақәа рҿы икажьын аԥырҩы дызҭам ахархәагақәа 13.