АҞӘА, лаҵара 12 - Sputnik. Аӡәы дҭахеит, хҩык ахәрақәа роуит Украина аганахь ала Белгородтәи аобласт ианалахысуаз ҳәа ааицҳауеит агубернатор Виачеслав Гладков Telegram аҿы.
Уи адагьы ааха рыҭоуп аҭыԥантәи ахатәыҩнқәа ҳәа иҳәеит Гладков.
Белгородтәии егьырҭ Украина иаԥну аобластқәеи рҿы лаҵара 25 рҟынӡа Украина Арбџьармчқәа иҟарҵо апровокациақәа ирхырҟьаны атеррористтә шәарҭара "аҩежь" аҩаӡара ҳарак азгәаҭоуп.
Убас, Украина аган аҟынтәи изныкымкәа аҳәаа иаԥну ақыҭақәа ирылахысхьеит. Мшаԥы 1 азы иҟаз авиажәылара иахҟьаны анефҭбаза аҿы амцакра ҟалеит.