АҞӘА, лаҵара 14 - Sputnik. Аԥсуа таибоксиорцәа қәҿиарала иқәгылеит Краснодартәи атәылаҿацә Ахраҿазы, урҭ амедалқәа рыхкқәа зегьы ириааит, абри атәы аанацҳауеит Аԥсны Аҿари аспорти русқәа рзы Аҳәынҭеилакы.
Аицлабрақәа ирылахәын 300-ҩык аспортсменцәа ҳәа еиҭеиҳәеит Аԥсны Таитәи абокс Афедерациа "Гьаргь Аиааирагаҩ" ахада, азыҟаҵаҩ хада Ҭеимураз Гьергьедаа.
Иара иажәақәа рыла, атурнир аан акорректировкақәа мҩаԥган, ҳкоманда Краснодартәи атәылаҿацә еизгоу акоманда иалан.
Гьергьедаа иааӡамҭацәа ириааит ахьтәы медалқәа ҩба, араӡны медалқәа хәба, аџьазтә медалқәа быжьба.
Иара уи адагьы атурнир иреиӷьӡоу аиқәԥаҩыс ихьӡ рҳәеит Сероб Геворгиан.
Муаи-таи захьӡу ахкала еиқәԥо аԥснытәи аиқәԥаҩцәа азыҟарҵоит Ҭеимураз Гьергьедаа, Владимир Дымнич, Спартак Қриа.