АҞӘА, лаҵара 16 - Sputnik. Лаҵарамза 10 инаркны лаҵара 16 нӡа Аԥсны акоронавирус рыдбалоуп 5-ҩык, абри атәы аанацҳауеит ауааԥсыра акоронавирус рацәыхьчаразы аоперативтә штаб.
Иахьазы Гәдоуҭатәи араионтә хәшәтәырҭа хадаҿы ишьҭоуп ҩык.
Мшаԥымзазы Аԥсны аҿкчымазаразы аҭагылазаашьа ҭышәантәалеит, араионтә хәшәтәырҭақәа рыҟны аковид ҟәшақәеи Аҟәатәи аинфекциатә хәшәтәырҭеи адаркит. Аха убри аан ПЦР- тестқәа рыҟаҵареи алаҵаҟаҵареи рзы аҟәшақәа аус руеит.