АҞӘА, лаҵара 16 - Sputnik. Аԥсны акультура аминистр Даур Ақаҩба урыстәылатәи акиноеилахәырақәа Аԥсны акинофильмқәа рҭыхра иадиԥхьалеит ҳәа аанацҳауеит аусбарҭа апресс-маҵзура.
Акультура аусхк аҟны аусеицура иалацәажәеит Даур Ақаҩбеи Урыстәыла акультура аминистр Ольга Лиубимовеи.
"Ҳара Аԥсны излалшо ала аҭыхрақәа рзы акиноеилахәырақәа адҳаԥхьалар ҳҭахуп", - ҳәа иҳәеит Даур Ақаҩба.
Аганқәа ашықәс азы иазԥхьагәаҭо ауснагӡатәқәеи аизыҟазаашьақәеи распектқәа рылацәажәеит.
Арахь иаҵанакуеит еицырдыруа апианиноарҳәаҩы Дмитри Маслеев иконцерт. Аконцерт мҩаԥысраны иҟоуп абҵара 18 рзы Аԥснытәи аҳәынҭфилармониа асценаҿы.
Иара убасгьы РУСДРАМ аспектакльқәа ҩба "Кьоџьаа рҭыӡшәеи" "Ишьаарҵәыроу ачареи" Тулатәи академиатә драматә театр аҿы дырбара.
Ольга Лиубимова илҳәеит Аԥсни Урыстәылеи ркультурақәа рдиалог адинамикатә ҟазшьа аманы ишыҿио, аганқәа иааиԥмырҟьаӡакәа ишеиныруа, ԥхьаҟагьы ари аганахь ала аҿиарақәа шыҟало.