АҞӘА, лаҵара 19 - Sputnik. Аурыс-аԥсуа ҳәааҿы аҽазныкгьы иаарԥшын аҳазалхратә закәанԥҵара еилаганы аекскурсиатә автобус аҿы аҳәаа иахыргоз 1000 ҭоԥ асигарет ҳәа аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.
Автобус аҳазалхырҭатә ҭыԥ "Адлер" аҿы иаанкылан амобилтә инспекциа-гәаҭаратә комплекс ахь инашьҭын. Агәаҭара ишьақәнарӷәӷәеит автобус аҩнуҵаҟа ашәҟәы иҭагаламыз атауар шыҟаз. Ииашаҵәҟьаны автобус аидараҭаҵарҭаҿ аҳазалхыҩцәа ирбеит аԥснытәи акцизтә маркақәа зқәыз асигареҭ ҭоԥқәа. Зынӡа –990 ҭоԥ (19800 цыра).
Аконтрабандатә аалыҵ аекспертизахь инашьҭуп. Закәаншьаҭада аҭыҭын аалыҵ амҩангараз апроцессуалтә уснагӡатәқәа ҩба хацыркуп.
2022 шықәса иалагазар аурыс-аԥсуа ҳәааҿы аҭыҭын аалыҵ аконтрабандазы Краснодартәи атәылаҿацә аҿы Аҳәаахьчаратә усбарҭа административтә зинеилагарақәа рзы 150 уси шьауски хацнаркхьеит УА АЗ ахәҭа 200.2 ахәҭаҷ 1 инарықәыршәаны.