АҞӘА, лаҵара 20 - Sputnik, Бадри Есиава. Ауаажәларратә палата алахәылас далхуп Асҭамыр Ахба ҳәа Sputnik акорреспондент иизеиҭырҳәеит АП аҟны, лаҵара 20 рзы.
"Аиндаҭларатә лхрахьы арзаҳалқәа жәба нашьҭын. Асҭамыр Ахба 21 бжьы иоуит, Ауаажәларратә палата алахәыласгьы далырхит. Аҽа ҩыџьа акандидатцәа абжьеиҟара роуит. Убри инадҳәаланы аҩашазы аиҭалхрақәа мҩаԥгахоит", - рҳәеит АП аҿы.
Аҭыԥқәа ҩба ҟалеит ҩыџьа алахәылацәа ралҵрала. Ерик Рштуни Апарламент адепутатс далхуп, ажурналист Надежда Венедиктова хатәгәаԥхарала апалатаҿ лусура аанлыжьит.
Ауаажәларратә палата 35-ҩык рыла ишьақәгылоуп. 13-ҩык ахада иалихуеит, 11-ҩык – аҭыԥантәи ахадарақәа, аҽа 11-ҩык аполитикатә партиақәеи ауаажәларратә еиҿкаарақәеи рҟынтәи.