АҞӘА, лаҵара 23 - Sputnik. Аԥснытәи атхеквондистцәа Урыстәыла Ахраҿазы аиндаҭлараан 14 медал ириааит, абри атәы аанацҳауеит Аԥсны Аҿари аспорти рзы Аҳәынҭеилакы.
Тхеквондо МФТ азы Урыстәыла Ахраҿазы аицлабрақәа мҩаԥысит Тула лаҵара 20-22 рзы. Атурнир иалахәын 1500-ҩык аспортсменцәа Урыстәыла 35 региони Аԥсни рҟынтәи.
Аԥснынтәи иалахәыз 11-ҩык аспортсменцәа зеиԥшла 14 медал ириааит.
"Спарринг" захьӡу апрограммала актәи аҭыԥқәа ааныркылеит Никита Кохан, Вероника Чакриан, Гарик Текнеџьиан, аҩбатәиқәа - Самир Бадиа, Енвер Оҭырба, Леонард Кериан, ахԥатәиқәа - Максим Кохан, Неонила Ахриутина, Руслан Пекливаниан.
"Туль" захьӡу апрограммала аԥсуа еиқәԥаҩцәа ахԥатәи аҭыԥқәа хәба ргеит: Енвер Оҭырба, Никита Кохан, Леонард Кериан, Альберт Бабаиан, Неонила Ахриутина.
Аспортсменцәа азыҟарҵоит Ҭемыр Барцыц, Саида Гәынба, Едуард Арзуманиан, Нугзар Торчинаа.