АҞӘА, лаҵара 24 – Sputnik, Бадри Есиава. Гәдоуҭатәи ашахматтә еицлабраҿы иаиааиз адунеи ачемпион Анатоли Карпов ицхәмарыр рылшоит ҳәа иҳәеит Гәдоуҭатәи ахәыҷы-қәыԥштә спорт школ азыҟаҵаҩ Альберт Карапетиан.
"Ари алԥшааратә еицлабран Шәача имҩаԥысран иҟоу ашколхәыҷқәа рыбжьара ашахмат азы аицлабрақәа рылахәхаразы. Рашәарамзазы шәачатәи атурнир аҿы аиааира зго Анатоли Карпов ицыхәмарра рылшоит", - иҳәеит иара.
Ашахмат азы атурнир иалахәхоит 6-12 шықәса зхыҵуа Гәдоуҭа, Гагра, Пицунда рҟынтәи ахәмарыҩцәа. Карапетиан иажәақәа рыла аспортсменцәа қәыԥшцәа ари ахҭыс иазыԥшын.
Аҭыԥҳацәа рыбжьара актәи, аҩбатәи, ахԥатәи аҭыԥқәа ргеит гәдоуҭатәи аспортсменкацәа. "Аџьаз" лгеит Лиа Оҭырԥҳа, "араӡны" – Сариа Лакрԥҳа, "ахьтәы" – Александра Аҩӡԥҳа.
Аԥхьатәи аԥыжәаратә ҭыԥқәа арԥарацәа рыбжьара иргеит Гагра араион ашахматасыҩцәа: Дамир Абанос – ахԥатәи аҭыԥ, Илиа Шмаль – аҩбатәи аҭыԥ, Георги Георгиан – актәи. Иаиааиз иранашьан аҳаҭыртә шәҟәқәа, ахраҿақәа, алахәылацәа зегьы – амедалқәа.