АҞӘА, лаҵара 29 - Sputnik. Аԥснытәи аопертә шәаҳәаҩы Саид Гобечиа Гаиднаа рыхьӡ зху аԥшьбатәи жәларбжьаратәи аицлабра афинал аҟны днеит ҳәа аанацҳауеит Аԥсны Акультура аминистрра апресс-маҵзура.
Аԥхьахәтә ҭыԥ агаразы Гобечиа инаҩас даҽа хә-ҩык ашәаҳәаҩ қәыԥшцәа азықәԥоит. Аицлабра вентәи аклассицизм аамҭазтәи акамертәи аопертәи музыка иазырхоуп.
Аԥхьахәтә фонд иартәоит 20 000€, иара рызшахоит аԥхьахәтә ҭыԥқәа аанызкыло.
Афинал мҩаԥысуеит лаҵара 29 рзы, аицлабра ахәшьара арҭоит аопертә агентцәеи Европа аҿартә аопрератә программақәа рнапхгаҩцәеи.