АҞӘА, лаҵара 31 – Sputnik. "Газпром" нидерландиатәи аилахәыра GasTerra агаз азынашьҭра иаҟәыҵит ахәԥса мааҭла иахьырымшәо азы ҳәа аҩуеит урыстәылатәи аилахәыра Telegram-канал аҿы.
"Газпром" аилахәыра GasTerra B.V. (Нидерландқәа) агаз азынашьҭра иаҟәыҵит мааҭла ахә ахьамшәо азы", - аҳәоит адырраҭараҿы.
"Газпром экспорт" мшаԥымзазы нидерландиатәи аилахәыра иазынанашьҭыз агаз ахә амоуит Урыстәыла ахада идҵа №172 (31.03. 2022ш.) аҟазшьала.
Мшаԥы 1 инаркны урыстәылатәи агаз, иаҩызам атәылақәа рзынашьҭраан ахә мааҭла иршәалазарц ишьақәыргылоуп. Асхема ҿыц мап ацәкра Урыстәыла аилаӡарала ахыдҵақәа рынамыгӡара акәны иахәаԥшуеит.
Уаанӡа агаз анашьҭра аанкылан Польша, Болгариа, Финлиандиа рахь.