АҞӘА, лаҵара 31 - Sputnik. Аҳәынҭқарратә Дума адепутат Константин Затулин, Аԥснытәи афорум аҿы ааԥхьара ҟаиҵеит Аԥсни Урыстәылеи рҳаиртә еимадара аартра дырццакырц.
"Изырххатәузеи Аԥсни Урыстәылеи рҳаиртә еимадара аартра аус? Ауаа ишиашоу Аҟәа инеиуа иҟазар, аҳәааҿгьы агәаранқәа ҟаломызт. Уи адагьы, иахьазы имаҷны ахархәара змоу Аԥсны мрагыларатәи ахәҭа еиҳа аҿиара аиуан", - иҳәеит иара.
ICAO аганахьала Аԥсныҟа аԥырразы жәларбжьаратәи аԥкыра "иацтәи ԥкыроуп" ҳәа ахиҳәааит. Затулин иҳәеит Урыстәыла Ҟрымҟа аԥыррақәа 2014 шықәса раахыс ICAO (Аграждантә авиациа Жәларбжьаратәи аиҿкаара - азгә.) азин ада ишымҩаԥнаго, Украина Москва азинмчра ара ишазханамҵогьы.
"Шәааи иҟаҳҵап абри ашьаҿа. Агәра згоит Аԥсназы адагьы Шәачатәи арегион зегь азгьы ари аус шыбзиахо. Асовет аамҭақәа рзы Шәачазы ицхыраагӡаз ҳаиртә баӷәазаны иҟан Аҟәатәи абаӷәаза", - иҳәеит адепутат.
Аԥсны аиҳабыра Аҟәатәи аҳаирбаӷәаза аиҭашьақәыргылара апроект нап адыркит, дыԥшаауп аинвестор. Аслан Бжьаниа ишиҳәаз ала, раԥхьатәи ареисқәа 2024 шықәса ажьырныҳәамзазы имҩаԥгахароуп.