АҞӘА, лаҵара 31 - Sputnik. Урыстәыла Аҳәынҭқарратә Дума адепутат Константин Затулин Аԥсны ажәлар урыстәылатәи аоперациа ҷыда иахьадгылаз ҭабуп ҳәа реиҳәеит.
"Урыстәылаа зегь реиԥш саргьы ҭабуп ҳәа расҳәоит аԥсуаа, зԥацәа арратә операциа ҷыдаҿы урыстәылатәи аган иалахәны еибашьра изышьҭыз. Ари ахәшьара уадаҩуп. Асеиԥш иҟоу аҭагылазаашьақәа раан авагылара ахааназгьы хашҭра ақәым", - иҳәеит иара.
Аԥсны ажәлар Украина имҩаԥысуа урыстәылатәи аоперациа ҷыда иадгылеит, Донецктәии Лугансктәии Жәлар Рреспубликақәа азханаҵеит. Уи адагьы Аҟәа ирыдыркылеит ЛЖәРи ДЖәРи рҟынтәи ахҵәацәа.