АҞӘА, рашәара 1 - Sputnik. Аԥсны ахада Иусбарҭа анапхгаҩы Алхас Кәыҵниа Аслан Бжьаниа ихьӡала Донбасс хатәгәаԥхарала еибашьра ицаз, хәажәкыра 31 рзы уа иҭахаз Ахра Кьыркьнаӡе иҭаацәа Ахәыҷқәа рыхьчара Амш рыдиныҳәалеит ҳәа аанацҳауеит ахада ипресс-маҵзура.
Ахра Кьыркьнаӡе хәҩык ахшара иҭынхеит, иреиҵыбӡоу шықәсыкгьы ихыҵуам.
Алхас Кәыҵниа иҳәеит Ахра дышфырхаҵоу, иԥсадгьыл дшапатриоту, ихымҩаԥгашьа шҿырԥшыгоу.
Кәыҵниа аныҳәа аҽны ахәыҷқәа ҳамҭас ирызнеигеит аплазматә телевизори PlayStation 4 дискк ацҵани.