АҞӘА, рашәара 2 - Sputnik. Аԥснытәи абоксиор Харитон Агрба абокс азы "Интерконтинентальныи кубок" аҿы дықәгылоит ҳәа аанацҳауеит аҿари аспорти русқәа рзы Аҳәынҭеилакы.
Агрба Урыстәыла акоманда далахәны, 68 кьыла рҟынӡа зкапануа дрыцықәгылоит. Иара диндаҭлоит Мичел Маркано – Венесуела.
Актәи ахәҭа аҟны акомандақәа аикәшаратә системала еиндаҭлоит. Аҩбатәи ахәҭа афиналбжахоит. Аиааираз актәи аҩбатәи аҭыԥқәа нызкылаз акомандақәа еиндаҭлоит.
Ақәгыларақәа ԥшьба-ԥшьба раунд иҟоуп, хԥа-хԥа минуҭ ицоит.
Актәи атурнир лаҵара 4 азы Москва имҩаԥысуеит - Азиеи Африкеи, Урыстәылеи Америкеи ркомандақәа еицықәгылоит. Ақәгыларақәа ддырбоит асааҭ 23:00 рзы Актәи аканал аҿы.
Харитон Агрба – жәларбжьаратәи акласс аспорт азҟаза, атитулқәа WBA-Fedecaribe, WBA Continetal, IBF European имоуп, 2019 шықәса раахыс апрофессионалтә ринг аҿы дықәгылоит: жә-қәгыларак рҟынтәи хәба рҿы нокаутла даиааихьеит.