"Абзиараз, ашкол!": Аԥсны аҵыхәтәантәи аҵәҵәабжьы геит

Аԥснытәи ашколқәа 153 рҿы аҵыхәтәантәи аҵәҵәабжьы геит рашәара 3 рзы. 28 539 нызқьҩык аҵаҩцәа рҟынтәи 1892-ҩык ашкол иалгеит. 12-ҩык ахьтәи араӡни медалқәа роураны иҟоуп.

Аушьҭымҭацәа аконцерттә программа аздырхиеит - амилаҭ кәашарақәа, авальсқәа, афлешмобқәа мҩаԥыргеит. Актәи акласс аҵаҩцәагьы, ишаԥу еиԥш, аушьҭымҭацәа ашәҭқәеи аҳамҭақәеи рырҭеит, ирзышәаҳәеит, ирзыкәашеит.

Аушьҭымҭацәа уажәшьҭа ирзыԥшуп ашкол алгарази иреиҳау аҵараиурҭа аҭаларази аԥышәарқәа, урҭ рахьтә аӡәырҩы рзанааҭқәа алырххьеит. Шьоукы ҳақьымцәахарц рҭахуп, ҽа шьоукы иматематикцәахарц, изындырыҩцәахарц, иекономистцәахарц, иргылаҩцәахарц, инџьнырцәахарц, IT-аусхк аҟны иҟазаҩцәахарц.

2022 шықәсазы Аҵареи абызшәатә политикеи рзы аминистрра аҵарашықәс мчыбжьык иацнаҵеит, аӡын аепидемиологиатә ҭагылазаашьа иахырҟьаны акарантин ахь иахьыҟаз азы.

1 / 10

Аҵыхәтәантәи аҵәҵәабжьы геит аԥснытәи ашколқәа 153 рҿы.

2 / 10

Традициала ацәаҳәа Аԥсны агимни зыԥсадгьыл зхы ақәызҵаз ашкол аушьҭымҭацәа ргәаларшәареи рыла иалагеит.

3 / 10

Аҟәатәи ахәбатәи ашкол аҵаҩцәа рахьтә шьоук гәырӷьоит, шьоук ргәы иалоуп ашкол иахьалгаз.

4 / 10

Гәаларшәагас дара-дара ркьаҿқәа рҿы еиуеиԥшым анҵамҭақәа нрыжьуеит. Ари аҩыза атрадициа акыр шықәса аҵыхәтәантәи аҵәҵәабжьы амш аҽны иаԥшьган иҟоуп.

5 / 10

Ари аныҳәа актәи аклассаагьы алахәуп, аха шьоукы рзы уи усҟак имариоу усым.

6 / 10

Еиҳараӡак аиԥырҵра зцәыцәгьоу аушьҭымҭацәеи акласс анапхгаҩи роуп.

7 / 10

Абзиараз ҳәа еибыҳәо, аҵаҩцәа агәы асахьа аҭаны иҭырффаз ақьаадқәа еимырдеит, еицыкәашеит.

8 / 10

Ашкол ашҭаҿ еизаз зегьы рзы аконцертхаҭа мҩаԥган - аԥсуаҵас икәашеит, ишәаҳәеит, идырлахҿыхит.

9 / 10

Сынтәа аԥснытәи ашколқәа ирылгеит 1892-ҩык аушьҭымҭацәа.

10 / 10

Уажәшьҭа дара ирзыԥшуп ашкол алгарази иреиҳау аҵараиурҭа аҭаларази аԥышәарқәа, аԥсҭазаара ду ахь амҩа.