АҞӘА, рашәара 4 - Sputnik. Аԥснытәи аделегациа Москваҟа амҩа иқәлеит Жәларбжьаратәи аҿартә форум "Евразия Global" аҽалархәразы ҳәа аанацҳауеит Аԥсны аҿари аспорти русқәа рзы Аҳәынҭеилакы.
Афорум мҩаԥгахоит рашәара 8-14 рзы Оренбург ақалақь аҟны. Уажәы уаҟа имҩаԥысоит "Аволонтерцәа рышкол", аҵара иахысуа рыбжьара иҟоуп Аԥснынтәи аҿаргьы.
Афорум алахәылацәа ирзыԥшуп еиуеиԥшым акыр ибеиоу апрограмма.
Аҿартә форум аҟны Аԥсны ӡырыргоит жәҩык аҿарацәа еиуеиԥшым аусхкқәа рызҟазацәа.