АҞӘА, рашәара 5 - Sputnik. Харитон Агрба актәи атур аҟны аиааира игеит апрофессионалтә бокс азы Урыстәылеи Америкеи рыбжьара "Аинтерконтиненталтә храҿа" аҳәаақәа ирҭагӡаны имҩаԥысуаз аиндаҭлараҟны.
Аԥснытәи абоксиор дықәгылеит урыстәылатәи акоманда даланы 68 кьыла зыкапан ыҟаз рыбжьара. Иара диндаҭлон венесуелатәи аспортсмен Мичел Маркано.
Ԥшь-раундк рлыҵшәақәа рыла аӡбаҩцәа еицҿакны аиааира ирҭеит апсуа спортсмен Харитон Агрба.
"Аинтерконтиненталтә храҿа" иазықәԥоит Урыстәыла, Африка, Азиа, Америка ркомандақәа. Аиндаҭлара мҩаԥысуеит мчыбжьык ахьынтәи знык, анаҩстәиқәа мҩаԥгахоит рашәара 11, 18, 25 рзы.
Харитон Агрба – жәларбжьаратәи акласс аспорт азҟаза, атитулқәа WBA Fedecaribe, WBA Continetal, IBF European имоуп, 2019 шықәса раахыс апрофессионалтә ринг аҿы дықәгылоит: жә-қәгыларак рҟынтәи хәба рҿы нокаутла даиааихьеит.