АҞӘА, рашәара 7 – Sputnik. Апарк иахьаҵанакуа игылоу абааш Анаҟәаԥиатәи ахьчаратә бааш еиԥшны иҟаҵоуп. Иара аргылара иагәыцә хадоуп ҳәа азгәалҭоит апарк "Аԥсны" амузеи аиҳабы Илона Кәыҵниаԥҳа.
Абааш аҿаԥшыларатә хәҭала иҭыхуп аибашьҩы, аԥсҳа, ацқьа агәаҟраԥсра здызкылаз Евстафиа Аԥсилтәи ипортрет, аибашьратәҭыхратә сцена - шәышықәсала аԥсуаа ззеибашьуаз ахақәиҭреи аиашареи зныԥшуа.
Амурал автор, асахьаҭыхыҩ Александор Местов жәашықәса инарзынаԥшуеит мҽхакы ҭбаала аҩндуқәа рҭыӡқәа рыҟны асахьанҵа даҿуижьҭеи.
"Уадаҩрас иаҵоу, ахәаԥшцәа ҵаҟантәи ирбо аусумҭа ииашоу акәаҟьҭалагь ирбозароуп. Ари даара аинтерес зҵоу проектуп, адаздам усумҭоуп, шьҭахьҟа уанынаскьалак аҿыгҳара аилазаара убарҭахоит, уи азын акыраамҭа уахәыԥшыроуп асахьақәа зегь убарцаз", - ҳәа иҳәоит асахьаҭыхҩы.
Местов иазгәеиҭеит, иусумҭақәа аԥсуа сахьаҭыхыҩ Баҭал Џьапуа ескизла ишҭыху.