АҞӘА, рашәара 9 - Sputnik. Аԥсны апрокуратура хада АУН "Амшынеиқәафымцамч" аҿаԥхьа ауал зқәу анаплакқәа ишыршәо азы изаамҭанытәим агәаҭарақәа мҩаԥыргоит. Абри атәы аанацҳауеит апрокуратура асаит.
2022 шықәса хәажәкырамза аахыс апрокуратура имҩаԥнаго ашьаҿақәа ирыбзоураны 4,9 миллион мааҭ рыхә ауал рылгоуп.
Анаплак маҷқәа рнапхгаҩцәеи хаҭалатәи анаплакҩцәеи руал ршәарц азы агәаҽанызаара рыҭан.
Азакәан анагӡаразы ахылаԥшратә усбарҭа агәаҭарақәа мҩаԥыргалоит, урҭ алҵшәақәа рыла закәанла иарбоу ашьаҿақәа рыдыркылоит.