АҞӘА, рашәара 9 - Sputnik. Фазиль Искандер ихьӡ зху Аҳәынҭқарратә Аурыс драматә театр аҽаланархәуеит Тамбов имҩаԥысуа Аҳәаанырцәтә аурыс театрқәа аԥшьбатәи жәларбжьаратәи рфестиваль, ахәаԥшцәа иднарбоит акомедиа "Кьоџьаа рҭыӡшәа". Абри атәы аанацҳауеит атеатр апресс-маҵзура.
Аԥснытәи актиорцәа Тамбовтәи академиатә театр аҿы иқәгылоит рашәара 16 рзы.
Аԥсны адагьы афестиваль иалахәхоит Ермантәыла, Аахыҵ Уаԥстәыла, Ҭаџьықьсҭан, Ҟазахсҭан, Узбеқьсҭан рҟынтәи атеатртә труппақәа - зынӡа 200 инареиҳаны артистцәа.
Афестиваль адҵа хадақәа иреиуоуп апрофессионалтә усеицура арҿиара, ахәаԥшцәа раудиториа аизырҳара, аҳәаанырцә иҟоу аурыс театрқәа русура иадҳәалоу аҟазаратәи апрактикатәи зҵаарақәа рылацәажәара.