АҞӘА, рашәара 12 - Sputnik. Аԥсны адәныҟатәи аусқәа рминистрра актиор Рассел Кроу аҭак иҭо, хықәкыла ааԥхьара ирҭеит ҳтәыла даҭаарц.
Кроу Twitter аҟны изҵаара "What’s up Abkhazia? Everything ok?" ("Уусқәа шԥаҟоу, Аԥсны? Зегь бзиоума?" - аред.) аникьыԥхь ашьҭахь, аинтернет ахархәаҩцәа аҭакс Аԥсны аԥшӡарҭа ҭыԥқәа ҭыхны изыршьҭит. Ааԥхьарагь ирҭеит ԥсшьара арахь даарц.
Рассел Кроу – зеландиаҿыцынтәи актиор, арежиссиор, "Оскар" апремиа алауреат. Кроу адунеи аҟны деицырдыруеит афильмқәа "Гладиатор", "Ной", "Славные парни", "Игры разума", "Отверженные" рыҟны дахьыхәмарыз ирольқәа рыла.