АҞӘА, рашәара 14 – Sputnik. Алхас Манаргиа Аҳәынҭқарра Ахада Иусбарҭа Амассатә информациа ахархәагақәа реимадаразы аусбарҭа аиҳабыс даҭоуп, абри атәы аанацҳауеит ахада ипресс-маҵзура.
Ахада Иусбарҭа аиҳабы Алхас Кәыҵниа анапхгаҩ ҿыц аколлектив дыдирдырит рашәара 14 рзы.
Алхас Манаргиа - еицырдыруа алафҳәаҩ, ажурналист, амҩаԥгаҩ. Аамҭақәак рзы аус иуан Аԥсны акультура аминистр ихаҭыԥуаҩс, Аԥсны ашьапылампыл Афедерациа апресс- маҵзуҩыс, акыр шықәса инеиԥынкыланы Sputnik Аԥсны арадио аҟны амҩаԥгаҩыс дыҟан, иара аԥсышәала еиуеиԥшым аиҿцәажәарақәа мҩаԥигон.