АҞӘА, рашәара 15 – Sputnik. Аԥсны аҩнуҵҟатәи аусқәа рминистрра аҵыхәтәантәи хәымз рыҩнуҵҟа 416 грамм иџьбароу анаркотикқәа рымырхит, абри атәы Sputnik аефир аҟны еиҭеиҳәеит Аԥсны аҩнуҵҟатәи аусқәа рминистр Вальтер Быҭәба.
Ҩышықәса раԥхьа Аԥсны анаркотикқәа рацәаны аларҵәаразы ашьауӷатә закәанеидкыла дырӷәӷәеит, атәылаҟны ашьразы ахьырхәра аморатори ахьаԥҵоу аҟнытә иаанкылоу ԥсраҽнынӡа иҭакхоит.
"Иҭаркуа ауаа ашықәс рацәа рықәырҵо ианалагалак ауп ари (азакәанеидкыла арӷәӷәара-аред.) ныррас иҟанаҵаз анеилаҳкаауа", - иҳәеит аминистр.
Иажәақәа рыла, азинхьчаратә системеи ахылаԥршатә усбарҭақәеи ирылшо зегьы ҟарҵароуп ҳтәылаҟны анаркотикқәа аларҵәара аӡәгьы иҭахымхо.