АҞӘА, рашәара 15 - Sputnik. Аԥсны Лугансктәи Жәлар Рреспубликеи Донецктәи Жәлар Рреспубликеи рахь хәажәкырамзаахыс инанашьҭхьеит 60 тонна агуманитартә цхыраара, абри атәы аанацҳауеит Шәача иҟоу Краснодартәи аҳазалхырҭа апресс-маҵзура.
Аҵыхәтәантәи апартиақәа руак жә-тоннак иҟан, уи иалан афатә, аӡрыжәтә, иара убас зыда ԥсыхәа ыҟам амаҭәарқәа.
ЛЖәРи ДЖәРи рзы агуманитартә цхыраара иакзу аҳазалхратә транзит Краснодартәи аҳазалхырҭаҿы имырԥшыкәа раԥхьа иоурышьҭуеит Аԥсны АҶА ацхыраара рыманы.
Украина арратә операциа ҷыда иалагеижьҭеи Аԥсны излалшо ала ацхыраара рынаҭоит Донецктәии Лугансктәии Жәлар Рреспубликақәа рынхацәа.