АҞӘА, рашәара 17 – Sputnik. Аԥыза-министр ихаҭыԥуаҩ, аекономика аминистр Кристина Озгани Урыстәыла аекономика аҿиара аминистр ихаҭыԥуаҩ Дмитри Вольвачи, атранспорт ахылаԥшраз Афедералтә маҵзура аиҳабы Виктор Басаргини реиԥылара мҩаԥысит.
Озган далацәажәеит Ԥсоу аԥсуа-аурыс ҳәааҿы ишьақәгылаз аҭагылазаашьа атәы.
Ԥыҭрак анаҩс имҩаԥысит Ленинградтәи аобласт адәныҟатәи аимадарақәа рхеилак ахантәаҩы Олег Коновалови аекономика аҿиареи аинвестициатә усуреи рхеилак ахантәаҩы ихаҭыԥуаҩ Егор Мишьериакови рԥылара. Аганқәа алацәажәеит аусеицзуреи Балтикатәи арегионалтә аинвестициатә форум аԥсуа делегациа алахәхарази аиқәшаҳаҭра рыбжьаҵара.