АҞӘА, рашәара 19 - Sputnik. Аҟәатәи акоманда "Спартак-СанМарко" аиааира агеит Ахацәа рыбжьара амҵәышәмпыл азы Аԥсны ачемпионат аҿы, афиналтә хәмарраан акоманда "Дранда" ианацыхәмаруаз, абри атәы аанацҳауеит Аԥсны Аҿари аспорти рзы аҳәынҭеилакы.
Афиналтә хәмарра хыркәшан 63-96 ҳәа аҟәатәи акоманда аиааирала.
Ахԥатәи аҭыԥ агеит Очамчыра акоманда, урҭ гәдоуҭатәи акоманда ириааит.
Акоманда "Спартак- СанМарко" ахәмарыҩ Асҭамыр Асланӡиеи драндатәи акоманда ахәмарыҩ Денис Сангәлиеи ачемпионат иреиӷьу ахәмарыҩцәа ҳәа иалкаан.
Аспортсменцәа иранаршьеит амедалқәа, аҳаҭыртә шәҟәқәа, ахраҿақәа, аԥаратә ҳамҭақәа.
Ачемпионат мҩаԥысуан лаҵарамзеи рашәарамзеи ирылагӡаны. Зынӡа уи иалахәын быжь-командак: "Адреналаин" (Аҟәа), "Тҟәарчал", "Реал" (Гагра), "Спартак - СанМарко" (Аҟәа), "Риҵа" (Гудаута), "Гиуенос" (Очамчыра), "Дранда" (Гәылрыԥшь).