АҞӘА, рашәара 24 - Sputnik. Аԥсны ахада Аслан Бжьаниа Аҟәа диԥылеит Белоруссиа ахада Ихаҭарнак ҷыда Виктор Шеиман, абри атәы аанацҳауеит атәыла ахада ипресс-маҵзура.
Аганқәа рылацәажәеит евразиатәи аинтеграциа аспектқәеи аҩҳәынҭқаррак аинвестициа-економикатә усхк аҿы русеицура алшарақәеи.
Дара рыҩџьагьы агәаларшәагатә ҳамҭақәа еимырдеит. Ҷыдала, Виктор Шеиман Белоруссиа ахада Александр Лукашенко иҟынтәи аҳамҭа ииҭеит.