Сынтәа Аԥснытәи аусхкырацәатә коллеџь иалгеит 68-ҩык ахааҟаҵаҩцәа-ахәыҟаҵаҩцәа. Аколлеџь аиҳабы иажәақәа рыла, 5-6 аушьҭымҭацәа рыда егьырҭ аусурҭа ҭыԥқәа рыԥшаахьеит. Асасааирҭақәа, акрыфарҭақәа, аԥацхақәа рыԥшәмацәа рыдҵаалоит аусзуҩцәа рзы, ҳәа азгәеиҭеит Мышәба.
Иара иажәақәа рыла, сынтәа аколлеџь аҟны ҿыц иаларгалар рҭахуп ахәыҷбаҳчақәеи ашколқәеи рхәыҟаҵаҩцәа рзы аҟәша. Убасгьы иаадыртыр рҭахуп ахархәаратә тауарқәа рхаҭабзиареи рыҭҵаареи азы афакультет.
Аицәажәара шәаҳар шәылшоит аудиофаил аҟны.