АҞӘА, ԥхынгәы 4 - Sputnik. Афедералтә антимонополиатә маҵзура Google агәаҽаннаҵеит ацҵақәа аус рыдулаҩцәа аилаӡара аҭагылазаашьаз ихәарҭам аԥҟарақәа ахьрықәырҵо азы ҳәа аанацҳауеит аусбарҭа.
"Урыстәыла Афедералтә антимонополиатә маҵзура Google LLC агәаҽаннаҵара азынацҳаит. Уи ишаҳәо ала, аилахәыра Google амобилтә цҵақәа аус рыдулаҩцәа ирыднацалоит ифеидам аҭагылазаашьақәа злоу аԥҟарақәа нарыгӡаларц", - ҳәа аҳәоит адырраҭараҿы.
Аусбарҭа ишьақәнаргылеит аилахәыра Google амобилтә цҵақәа аус рыдулаҩцәа Google Play ала аалыҵ аларҵәаразы Google ада егьырҭ аԥарашәаратә системақәа ахрархәара азин шырнамҭо. Ари аус адулаҩцәа рзы аԥҟарақәа рҿы иадырбеит. Еилагарак ҟалар, ацҵа аусура ааныркылоит.
"Google LLC агәҽанҵара мызкы аҩнуҵҟа иқәныҟәалароуп. Агәҽанҵара нанамыгӡар, аусбарҭа азин аиуеит антимонополиатә закәанԥҵарала аус ахацыркра", - ҳәа азгәарҭеит ФАМ аҿы.