АҞӘА, ԥхынгәы 6 – Sputnik. Урыстәыла Аҳәынҭқарратә Дума аиҳабы Виачеслав Володин Еиду Америкатәи аштатқәа (ЕАА) COVID-19 апандемиа иахҟьаны аԥхасҭа зауз адунеи атәылақәа ахараԥса рызнашәароуп, иара убас дара адунеиаҿ имҩаԥырго абиоҭҵаарақәа дыраргамароуп иҳәеит.
"Миллионҩыла ичмазцәахази зыԥсҭазаара иалҵызи, адунеитә економикатә кризиси, ауаа рыбзазара акаҳареи — COVID-19 ауп изыхҟьаз. Вашингтон аҭакԥхықәра иаҵагылароуп ЕАА имҩаԥнаго абиоҭҵаарақәа рзы. Аусурақәа аанкылатәуп, иагьаргаматәуп", - ҳәа иҩуеит иара Telegram-канал аҿы.
Уаанӡа ажурнал Lancet акомиссиа ахантәаҩы, апрофессор Џьеффри Сакс аҳәамҭа ҟаиҵеит COVID-19 америкатәи абиолабораториаҿ ахы ыҵнахит ҳәа.
"Иахьа, асеиԥш ахарадҵарақәа аҭыԥ анрымоу, Баиден ибжьы иргаӡом. Дшәоит адунеи иазаатыр ҳәа апандемиа зыхҟьаз", – иҳәеит Володин.