АҞӘА, ԥхынгәы 14 - Sputnik. Аҟәатәи аҳаиртә баӷәаза аиҭашьақәыргылараз иаҭаху аԥара ԥхьаӡоуп, апроектԥхьатә усурақәа мҩаԥгоуп, иҭҵаауп. Аԥсны аиҳабыра анормативтә документациа азнархиоит авиаеимадара амҩаԥгаразы, аинвестициатә ҭагылазаашьа аиӷьтәраз аусурақәа цоит. Абри атәы еилкаахеит Аԥыза-министр ихаҭыԥуаҩ, аекономика аминистр Кристина Озган усутә ныҟәарыла Москва лыҟазаараан Урыстәыла аекономикатә ҿиара аминистр Максим Решетникови Минтранси Росавиациеи рхаҭарнакцәеи данырԥылоз.
"Аҳаиртә баӷәаза аусура аларгареи аҳаиртә еимадара аиҭашьақәыргылареи мҩаԥгахалоит анџьныртә коммуникациақәа, асасааирҭатәи аресторантәи инфраструктура рырҿыцрала. Акластертә ҿиара иалнаршоит зхаҭабзиара атурсттә маҵзура аиура, аԥсҭазаара ахаҭабзиара аиӷьтәра", - лҳәеит Озган.
Урыстәылатәи аган апроект адгылара шанаҭо атәы рҳәеит.
"Апроект анагӡара аҵакы алшара еиҳахоит аекономикатәи аполитикатәи ҭагылазаашьақәа азԥхьагәаҭахоит. Урыстәылантә Аԥсныҟа ишиашоу аара арегион атуристтә ҭаххара иацхраауеит, абиуџьет алагалақәа еиҿнакаауеит", - иҳәеит Максим Решетников.
Аекономикатә ҿиара аминистр ихаҭыԥуаҩ Дмитри Вольвача иажәақәа рыла, Аԥсны авиаеилахәырақәа русура авариантқәа ирылацәажәоит. Аиԥылараҿы ирзааҭгылан Аԥсныҟа иаарго анефҭаалыҵқәа рыхәԥсеиҿкаара.