АҞӘА, ԥхынгәы 15 - Sputnik, Асмаҭ Ҵәыџьԥҳа. Аԥснытәи аҳәынҭқарратә университет акоманда Владикавказтәи акоманда "Аланиа" иаиааит ачемпионат аҿы 4:2 ҳәа.
Ампылқәа амба иҭадыршәит: Ника Гужба, Енри Мықәба, Рамин Барцыц, Асхат Аршба. Енри Мықәба иара убасгьы иреиӷьу ахәмарыҩ ҳәа далкаан.
Ачемпионат аҳәаақәа ирҭагӡаны аԥснытәи акоманда 12 хәмарра мҩаԥнагеит, аантәы иаиааит, ҩынтә еиҭахеит, ҩынтә иаҵахеит.
Абас ала, ААУ акоманда атаблица ахәбатәи аҭыԥ аҿы иҟоуп. Ԥхынгәы 16 рзы ААУ акомандеи шәачатәи аклуб "Трактори" еиԥылараны иҟоуп.