АҞӘА, ԥхынгәы 16 - Sputnik. Аԥснытәи аҽааӡаҩцәа рыҽқәа Краснодар аԥхьахә ҭыԥқәа ргеит, абри атәы аанацҳауеит Аԥсны аҿари аспорти русқәа рзы Аҳәынҭеилакы.
Ахра Ашәба иҽыҩ Вронски 2400 метра иҟоу абжьаӡараҟны актәи аҭыԥ ааннакылеит, еиԥхныҩлон ԥшьышықәса зхыҵуази еиҳази арабтә ҽыҩжәлақәа.
Ари аиԥхныҩраҿы Ақыҭанхамҩа аминистрреи атәылаҿацә аус здыруло ааглыхреи раԥхьахә азы иҩуан.
Ашәба иҽқәа руак Сириус ари аиԥхныҩраҿы ахԥатәи аҭыԥ ааннакылеит.
Адгәыр Ԥачалиа иҽыҩ Аԥсны Голд 1600 метра иҟоу абжьаӡараҟны аа-ҽык ираԥыҩланы ахԥатәи аҭыԥ ааннакылеит, еиԥхныҩлон ҩышықәса зхыҵуаз арабтә ҽыҩжәлақәа.