АҞӘА, ԥхынгәы 18 – Sputnik. Аслан Бжьаниа ари амчыбжь азы Аԥсны аҩнуҵҟа 2022 шықәса актәи азбжазы аусурақәа шымҩаԥысуа ргәаҭара мҩаԥигоит ҳәа аанацҳауеит ипресс-маҵзура.
Ахада иҿаԥхьа аҳасабырбақәа ҟарҵараны иҟоуп араионқәа рхадацәа. Анаҩс иазԥхьагәаҭоуп апресс-конференциа ду. Уа Бжьаниа Ҭаҭарсҭани Башкортосҭани иҟазаара иазку аҳасабырба ҟаиҵоит, адәныҟатәии аҩнуҵҟатәии политиказы азҵаарақәа аҭак риҭоит.