ГӘДОУҬА, ԥхынгәы 22 – Sputnik, Бадри Есиава. 2023-2025 шықәсазтәи Аинвестпрограмма ҿыц аҟынтәи миллиардк инеиҳаны Гәдоуҭа араион аҿиара иазоужьхоит.
Абри атәы иҳәеит Аслан Бжьаниа Гәдоуҭа араион актив данырԥылоз ԥхынгәы 22 рзы.
2022 шықәса мшаԥымзазы Аԥсны асоциал-економикатә ҿиара ацхрааразы аиҳабырабжьаратә комиссиа 2023-2025 шықәсазтәи Аинвестпрограмма ҿыц алимит 4,05 миллиард мааҭ ҳәа ишьақәдыргылеит.
Арахь иаҵанакуеит абиуџьет аусзуҩцәа руалафахәы ашьҭыхра, абизнес маҷ акредитҭара, ақыҭанхамҩа аҿиара уҳәа егьырҭгьы. Реиҳа идуу проектқәаны Аинвестпрограмма иазԥхьагәанаҭоит ахәыҷтәы республикатә хәшәтәырҭа, Гәдоуҭа ацрыҵцарҭақәа, Гагра аӡыцрыҵқәа ррыцқьара, астанциа маҷқәа рремонтқәа, амҩаду Ԥсоу-Аҟәа алашара аиҿкаара.