ГАГРА, ԥхынгәы 22 – Sputnik, Бадри Есиава. 2023-2025 шықәсқәа рызтәи Аинвестпрограммаҟынтә акоммуналтә обиектқәа ирзоушьҭхоит 771 миллион мааҭ ҳәа Аԥсны ахада Аслан Бжьаниа изеиҭеиҳәеит Гагра араион ахада Иури Хагәышь.
Иара иажәақәа рыла, ари аԥарала инагӡахоит анаҩсантәи аусурақәа:
зымчхара 110 мегаватт иҟоу астанциа маҷ "Пицунда" - 250 миллион мааҭ,
арыцқьаратә маругақәеи ацрыҵцарҭақәеи - 201 миллион мааҭ,
аӡылеиқәыршәареи 4000, 2000 кубометр иҟоу аӡеизакырҭақәа рыргылареи - 150 миллион мааҭ,
Пицунда ацрыҵцарҭатә системеи амчхаратә ӡеизгагеи - 170 миллион мааҭ.