Лавров иҳәеит агеографиатә ҳәаақәеи аоперациа ҷыда аусдҵақәеи рыҽшеиҭаркыз, уажәшьҭа Донецки Лугански ареспубликақәа рҳәаақәеи рҵакырақәеи реиԥш Херсонтәии Запорожиетәии аобластқәеи, егьырҭ аҭыԥқәеи рызҵаарақәа рыҽшырыԥсахыз.
"Арратә операциа кыр ишадхало убаратәы иҟоуп. Аиҿагылара аҽарҭбаауа иалагеит, апланқәагьы, ҳәарада. Сергеи Лавров иаартны далацәажәеит Урыстәыла аполитикцәа џьоукы имаӡаны ирҳәоз. Усҟан иаҳдыруаз Украина зыҟалаӡом, агеографиа аҽаԥсахуеит. Аҵакырадгьылқәа иҭадырцәыз иубаратәы иҟоуп Украина иадланы ишзыҟамло. Урыстәылаҟа рхы дырхеит. Убри аҽарҭбаар ҟалоит. Аҳәаанырцәтәи аҳәынҭқаррақәа, еиҳарак, Еиду Америкатәи аштатқәа, бџьарла, малла иахьа Украинатәи арежим ацхраара арҭоит иааҟәымҵӡакәа. Шаҟа рыҽдырцәгьо ала, арратә аоперациа аҽарҭбаалоит еиҭагьы. Макьана аицәажәарахь ицәырҵыртә еиԥш аҭагылазаашьа аԥҵаӡам", - ҳәа иҳәеит Ҳагба.
Аполитолог ахҳәаа аиҭеит иара убас аиҿцәажәаратә апроцесс ԥхьаҟатәи аԥеиԥш.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.