АҞӘА, ԥхынгәы 26 - Sputnik. Уажәтәи коронавирустә цәқәырԥа ҿыц мызкы анаҩсан еиҳагьы иалаҵәоит ҳәа РИА Новости иазеиҭеиҳәеит авирусолог, Гамалеи ихьӡ зху аепидемиологиеи амикробиологиеи Рцентр аҭҵаарадырратә ҟазауаҩ хада Анатоли Альтштеин.
"Авирус ("омикрона" BA.5 авариант - аред.) адунеи зегьы аҿы аҽышьҭнахуа иалагеит. Уажәы иара аҽарҭбаауеит. Сгәанала аҽа мызкы анаҩс аҽышьҭнахоит, анаҩс еиҭах аиқәтәара иалагоит", - иҳәеит Альтштеин.
Аҵыхәтәантәи амчыбжь аҩнуҵҟала Урыстәыла акоронавирус 100 нызқьҩык ауааԥсыра рыбжьарала 48,9% иацлеит ҳәа азгәанаҭоит аоперштаб.
Уаанӡа еиҳа ишәарҭоу аҿкқәа рзы аҟазауаҩ Владислав Жемчугов иҳәахьан, Урыстәыла COVID-19 шәарҭахом, избанзар уи аепидемиа "иаҵыхәоуп" ҳәа.